Guddoomiyaha xisbiga mucaaradka ah ee UCID Eng. Faysal Cali Waraabe, ayaa madaxweynaha Somaliland ku bogaadiyay sii daynta laba murashax oo xisbigaasi ka tartamayay oo hore loo xidhay.
Balse labadaasi murashax oo muddo xidhnaa ayaa shalay xabsiga laga soo daayay, kuwaasoo ka sharaxan xisbiga UCID gaar ahaana gobolka Maroodijeex ayaa la xidhay bishii hore.
Labadan murashax ee shalay sii daayay ayaa muddo ku xidhnaa xisbiga Mandheera ee gobolka Saaxil.
Tallaabadaasi ayuu guddoomiyaha UCID uga mahad celiyay xukuumadda gaar ahaana madaxweyne Muuse Biixi.
Hase yeeshee Eng. Faysal waxa uu ka dalbaday madaxweynaha in waraaqaha denbi la’aanta loo ogolaado murashax kale oo isla xisbigaasi ka tartamaya oo loo diiday in CID iyo xeer ilaalintu ay siiyaan waraaqda denbi la’aanta.
Eng. Faysal, waxa uu sidan ka sheegay hadal uu ka jeediyay munaasibad xalay lagu qabtay magaaladda Burco oo lagu shaacinayay murashaxiin xisbigaasi ka tartamaya.
Munaasibadaasi oo ahayd mid si weyn loo soo agaasimay waxaa ka soo qayb galay masuuliyiin ka tirsan xisbiga UCID, cuqaasha, odayaasha, iyo waxgaradka beelaha murashaxiintaasi iyo marti sharaf kale.
DAAWO: HADALKII ENG. FAYSAL:
