Waxaa maanta cubsitaalka guud ee magaaladda Gabiley laga bilaabay olole ay masuuliyiinta iyo dadweynuhuba magaaladaasi ku shubayaan Dhiigga, si loogu kaydiyo qaybta ee cusbitaalka.
Ololahaasi waxaa bilaabay oo halkaa Dhiiga ku shubay badhasaabka gobolka Gabiley, maayarka magaaladaasi, xubno ka mida golaah deegaanka Gabiley, iyo masuuliyiin kale.
U jeedadda laga leeyahay ololahani Dhiig shubista ayaa ah sidii Dhiig ku filan loogu kaydin lahaa qaybta baanka Dhiiga ee cusbitaalka Gabiley.
Sida ay sheegtay agaasimaha cusbitaalka Gabiley Drs. Naciima Yuusuf Cilmi, oo hadal ka jeedisay ololaha bilawga Dhiig shubista.
Ololahani ayaa hal-ku-dheg looga dhigay Muwaadin si aad naf u bad-baadiso shub Dhiigaaga oo hel caafimaad, taasoo lagu baraarujinayo bulshadda in ay barnaamijkaasi ka qayb qaataan.
Waa ololihii Dhiig shubista ee ugu horeeyay ee gobolka Gabiley laga sameeyo, kaasoo la tilmaamay inuu noqon doona mid joogto ah.