Difaaca Qaranimada Jamhuuriyada Somaliland Waa Muqadas, Dal-ka Wadamo Shisheeya ayaa ku soo duulay, Mustaqbalkeena ayaa lagu Socdaa. Calanka Tawxiidku ku xardhan yahay Cidi Wax gaadhsiin-kartaa Ma jirto, Qaranimada Waxa uu gashado Muwaadinkasta ayay bulshadu ku abaalinaysaa, Taariikhduna Way isqoraysaa, Maalmaha adagna Waa lagu kala baxaa.
Anigoo ah Dar-wiish oo awoowahay Ganacsade SH. XIRSI AF-DIIR ka mid ahaa Golihii Wasiirada Daraawiish-ta, Marna ahaa badhasaabkii Hobyo u Fadhiyay Maamulka Daraawiishta waxaan halkan Fariin baaq ah uga dirayaa dadka aan jecel ahay ee aanu ku wada abtirsano Maamulkiii Daraawishta.
Waxa aan jeclaa Dadkaygiiyow dinka oo Faraska Darwiish-ka Ku dhex Sawira Calanka Tawxiid-ka leh, Faras-kii Darwiishka Shaadh aanu lahayd baad u xidheen, Waxa aad dalkiinii ku marti geliseen Dhamaan Belo-raadis iyo Nabad-diid, Kuwaas oo Cadow ku ah Amniga Mandaqa Geeska Afrika. Waxaan ku talin-lahaa oo idin soo jeedinayaa in aydin gabood u noqon kuwa idinku soo gabanaya.
Dhamaadka Colaaddi Waa Nabad, Mar-ay ahaatoba Xalku nabad ayuu tegayaa, Caqliga aynu ka shaqaysiino oo dadka Nolol iyo Horumar ha loogu taliyo., Geeri, barakac, Colaad iyo dib u dhac waa ayaan daro in Waqtigan la joogo umadeenu ku sug-naato.
Nabad baa naas-la nuugo leh, Miis-ka Wada hadalka ha layskugu yimaaddo, Beladana halka lagu damiyo.
Dr. Maxamuud Saleebaan Ducaale (DVM).