fbpx
Wednesday, May 29, 2024
HomeArticlesXoghayihii Guud Ee Golihii Wakiilada Somaliland 1993-Kii Ma Ogtahay Inuu Ahaa Mudane...

Xoghayihii Guud Ee Golihii Wakiilada Somaliland 1993-Kii Ma Ogtahay Inuu Ahaa Mudane Ka Tirsanaa Isla Golahaasi?

 

Su’aasha maangalka ah ee aad akhriste iswaydiin kartaa waa sharciga ogolaaday in mudane ka tirsan gole u noqdo xoghaye guud ee isla golahii?
Shirkii ka dhacay Borama sanadkii 1993 ee ay guud ahaan guurtidii beelahii Somaliland ku heshiiyeen seeska na u dhigay qaranimada Somaliland. Dhanka kale heshiiskaa waxa ka mid ahaa in goleyaasha qaranka lagu soo xulo hab-beeleed ,lugu na ansixiyey Axdi-qarameedkii ( National charter) oo dalka lagu xukumeyey sanadihii 1993 ilaa 1997 . Sidaa u dhigayey Axdi-qarameedkii labada gole baarlamaan ee guurtida iyo wakiiladu mid walba tiradiisu wax ay ahayd 75 xubnood.
Muj /xildhibaan Cabdiraxmaan Cismaan Cabdale ( Cabdiraxmaan-Farjar) waxa u ka mid ahaa xildhibaanaddii golahii wakiilada ee ay guurtidii beelahii Somaliland soo xuleen ( selective ) 1993 kii , ayaa noqday xoghayihii guud ee isla golihii u ka tirsanaa.
Sababta wakhtigaas u xildhibaan Farjar oo ka tirsanaa golihii wakiiladu qabto jaggadii xoghayaha guud ee isla golahii wax ay ahayd qodobka 11 (1) ee Axdi-qarameedkii Somaliland ( National Charter) ayaa tilmaamayey qaab-dhismeedkii golahii wakiilada oo u dhignaa sidan:-
1. Golaha Wakiilada waxa uu ka koobnaanayaa 75 Xubnood (Shan iyo Todobaatan Xubnood) oo leh Guddoomiye, laba Ku-xigeen iyo Xoghaye, waxa kale oo uu samaysanayaa tiro Guddi intii uu u baahdo.
Marxaladdihii sharci ee ka dambeyey Axdi qaraameedkii oo ahaa dastuurkii ku meel gaadhka ahaa (Interm constitution) iyo dastuurku ba waxay nasakheen
(Repealed) qaab-dhismeedka golaha wakiilada .
Dastuurkii ku meel gaadhka ahaa ( Interm constitution)1997-kii ayaa markii hore meesha ka saaray in xoghayaha guud ee goluhu noqdo mudane ka tirsan golaha sida u dhigayey qodobkii 75 (1). Xoghayaha guud ee golaha wakiiladu wuxu u ka tirsan yahay shaqaalaha golaha wakiilada sida u dhigayo qodobka 52(1) ee dastuurku. Ugu dambayn muj/xildhibaan hore Cabdiraxmaan-Farjar oo ka mid ah siyaasiyiinta dalka ayuu ahaa xoghayihii guud ee ugu horeeyey golaha wakiilada isla markaa na ahaa mudane ka tirsan golahii u xoghayaha u ahaa. Waxa suurtagaliyey dhacdadaa Axdi-qarameedkii oo dhigayey in golahu yeesho ,gudoomiye, laba ku xigeen iyo xoghaye.
Garyaqaan Xamse Dubad
Hamsedubad@gmail.com

RELATED ARTICLES

LEAVE A REPLY

Please enter your comment!
Please enter your name here

Arimaha Diinta

Ma doonaysaa inaan Saddaqo ku Darsato Masaajid?

Magaalada Kassel ee Dalka Germany oo ay Deganyihiin qiyaastii Somalida ugu badan Dalkani waxaa ka socda Khayr fara-badan oo mudan in lagala Qayb qaato. Gudida...

Afsoomaaliga buugaagta ku qoran ma badna, inta qoranna dhanka samaha uma badna…..” Sh. Mustafe Xaji Ismacil

Afsoomaaliga buugaagta ku qoran ma badna, inta qoranna dhanka samaha uma badna…..” Sh. Mustafe Xaji Ismacil

Sheekh Almis Yaxye Oo Ku Baaqay in la sameeyo Jeegaan Diimeed..Daawo

Sheekh Almis Yaxye Oo Ku Baaqay Jeegaan Diimeed..Daawo

Sidee Loo Helaa Macaanka Cibaadada” Sheekh Maxamed Cumar Dirir.

Sidee Loo Helaa Macaanka Cibaadada" Sheekh Maxamed Cumar Dirir.

Tafsiir Gaagaaban || Casharka 189 aad || Al-Maa’ida 48-50… Soo Jeedinta Sh. Maxamed Sh. Cumar Dirir

Tafsiir Gaagaaban || Casharka 189 aad || Al-Maa'ida 48-50... Soo Jeedinta Sh. Maxamed Sh. Cumar Dirir