Colorado US- 21-11-2022 Isniin (Haldoor News):- Ugu yaraan shan qof ayaa ku dhintay ka dib markii nin soo galay goob lagu caweeyo oo LGBTQ ah oo ku taal Colorado Springs wax yar ka hor saqdii dhexe ee Sabtida wuxuuna ku furay qori dheer, sida ay masuuliyiintu sheegeen. Saraakiisha ayaa ammaanay macaamiishii ku sugnaa gudaha naadiga sida degdega ah ee ay u jabiyeen ninka hubeysan, inkastoo ugu yaraan 25 qof ay ku dhaawacmeen rabshadda .
Maamulka ayaa dadka ku sugnaa goobta lagu caweeyo ee khaniisiinta ee Colorado Springs ku tilmameen in ay joojiyeen ninka hubeysan, kaas oo ay booliisku sheegeen in uu rasaas ku furay qori uu sitay ka hor saqdii dhexe ee xalay. In ka badan labaatameeyo ayaa ku dhaawacmay.
- Warbixinadii ugu horeeyey ayaa tilmaamaya in tuhmanuhu uu soo galay xarunta, Club Q, isagoo xidhan hubka jidhkiisa, oo uu bilaabay inuu ku toogto qoriga noociisu yahay AR-15, sida laga soo xigtay laba sarkaal oo sharci fulinta ka tirsan oo ka warbixiyey toogashada. Mid ka mid ah milkiilayaasha naadiga, oo dib u eegay muuqaalkii la socodka ee goobta, ayaa sheegay in ninka hubaysan uu la galay goobta lagu caweeyo”awood aad u weyn.”
- Duqa magaalada John Suthers ee Colorado Springs ayaa sheegay in qof uu si degdeg ah u dhaqmay si uu ninka hubaysan uga soo qabto qori gacmeed, ka dibna uu ku dhuftay, isaga ooMarkii ay booliisku gudaha u galeen, ninku weli waxa uu dul saarnaa ninkii hubaysnaa, isaga oo dhulka dhigay, ayuu Mr. Suthers u sheegay The New York Times.
- Taliyaha booliiska magaaladaas, Adrian Vasquez, ayaa sheegay in baarayaashu ay weli ku howlan yihiin sidii ay u ogaan lahaayeen cidda iska leh hubka loo adeegsaday toogashada. Wuxuu tuhmanaha ku sheegay Anderson Lee Aldrich, oo 22 jir ah, wuxuuna sheegay in mas’uuliyiinta ay baarayaan sababta. Qof ay isku magac iyo da’ yihiin ayaa waxaa xiray ku xigeennada shariifsannadkii hore ka dib markii lagu hanjabay bam meel ka baxsan Colorado Springs.
- Dadka dhaawacmay oo uu ku jiro ruuxa laga shakisan yahay ayaa loo qaaday isbitaallo kala duwan, saraakiisha ayaa sheegay in dhammaan dhaawacyada aysan ahayn kuwa ka dhashay rasaas. Dhawr dhibanayaal ah ayaa ku haray xaalad halis ah Axaddii dambe.
- Toogashadan ayaa u ekayd xasuuqii 2016 ka dhacay Pulse, oo ah goob lagu caweeyo oo ku taal Orlando, Fla., halkaas oo nin hubaysan uu ku dilay 49 qof 53 kalena ku dhaawacay ka dib markii uu ku dhawaaqay inuu daacad u yahay kooxda argagixisada ah ee IS.
Source: NYTIMES
