Mudaneyaasha golaha Guurtidda jamhuuriyadda Somaliland ayaa maanta dood ka yeeshay xeerka ganacsiga, dhaqaalaha dalka iyo maalgashiga.
Waxaanay xildhibaanadii doodda xeerkaasi ka qayb qaatay soo jeediyeen in wadankeenu aanu lahayn wax wershado ah, isla markaana wershadii keliyahayd ee Sibidhkuna ay fadhido.
Taasoo ay tilmaameen in haddii la kiciyo oo ay shaqayso in aynu kaga maarmi lahayn waxyaabo badan oo imika wadanka dibadiisa la inooga keenno sida Sibidhka, Istanbarka iyo waxyaabo kale.
Fadhiga maanta ee golaha Guurtidda Somaliland oo uu shir-guddoominayay guddoomiyaha golahaasi Saleebaan Maxamuud Aadan, ayay xildhibaanadii doodda ka qayb qaatay waxay soo jeediyeen in haddii aanay ganacsatadu dalku maalgashanaynin wershadda Sibidhka in ay dawladu ku wareejiso maalgashadeyaal shisheeye.
DAAWO: Doodii Xildhibaanadda Guurtidda Ee Xeerka Dhaqaalaha:
