fbpx
Tuesday, April 16, 2024
HomeWararka“Warqadaasi waxba kama jiraan wax rasmiyana maaha”… C/rashiid Riyo-raac

“Warqadaasi waxba kama jiraan wax rasmiyana maaha”… C/rashiid Riyo-raac

    

Guddoomiyaha guddiga doorashooyinka Somaliland C/rashiid Maxamuud Riyo-raac,  ayaa shaaciyay in ay soo gebagabeeyeen qaadashadda kaadhaka codbixinta ee goboladda Sool, Saaxil iyo Sanaag.

Sidoo kale waxa uu tilmaamay C/rashiid Maxamuud Riyo-raac, in ay dhawaan  qaadashadda kaadhaka codobixinta ka  bilaabayaan goboladda Maroodijeex, Awdal iyo Togdheer.

Waxa kaloo uu sheegay guddoomiyaha guddiga doorashooyinka Somaliland in  isla dabayaaqadda bishan March ay gebi ahaanba soo gebagabaynayaan guud ahaanba bixinta kaadhka codbixinta.

“Saddexda gobol  ee Sool, Saaxil iyo Sanaag, ayay weli ka socotaa kaadhbixinta codbixiyeyaasha. Iyaguna berry ayay soo xidhmaysaa.

Saddexda gobol  ee Awdal, Maroodijeex iyo Togdheerna, bishan dhamaadkeedda ayay ka bilaabmaysaa. Ugu danbayn, 15-ka bisha April, waanu gebagebaynaynaa kaadhbixinta dalkoo dhan” ayuu yidhi C/rashiid Maxamuud Riyo-raac, oo u waramay idaacadda VOA.

C/rashiid Maxamuud Riyo-raac, waxa kaloo uu ka warbixiyay halka ay marayso kala shaandhaynta murashaxiinta xisbiyadda uga tartamaya degmooyinka dalka.

Waxaanu yidhi, “Waxaa na soo gaadhay liiska murashaxiinta goleyaasha deegaanka ee saddexda xisbiyadda, ee 22-ka degmo ee doorashadu ka dhacayso, gacanta ayaanan ku haynaa, kala hufitaankoodii. Marka aanu dhamaynana, wixii sax ahina, way gudbayaan, wixii wax ka dhiman yihiin ama aan sharciyan sax ahayna waxaa lagu celinayaa xisbiyadda”.

“Iyaga ayay markaa u taallaa in ay soo dhamaystirtaan, iyadoo la siin doono muddo kooban in ay ku soo dhamaystirtaan. Waxaa ku xigaya golihii Wakiiladda murashaxiintoodda, iyagana waxaa la soo gudbin doonaa ugu danbayn 30-ka bishan March, iyagana laba ilaa saddex cisho ayay qaadan doontaa kala shaandhayntooddda.

Markaa kadib ayaanu ku dhawaaqaynaa, murashaxiintii rasmiga ahayd iyo astaamihii murashaxiinta” C/rashiid Maxamuud Riyo-raac.

Geesta kale, guddoomiye Riyo-raac, oo la waydiiyay waraaq ay ku qornaayeen liiska murashaxiinta xisbiga Waddani ee degmadda Hargaysa oo maalmahan baraha xidhiidhka bulshadda ee Internet-ka aad loogu hadal hayay in ay komishanka ka soo baxday iyo in kale.

Waxaanu sheegay in waraaqdaasi aanay komishanka doorashooyinka ka soo bixin, balse ay tahay waraaqdii uu xisbigu liiska murashaxiinta golaha deegaanka ugu soo gudbiyay guddiga doorashooyinka.

“Warqadaasi waxba kama jiraan. Waa warqadii xisbigu liiska noogu soo gudbiyay, liiskaasi markaa wax rasmi ah ma aha. Anaga ayaa u gudbin donna liiska rasmiga ah” ayuu yidhi C/rashiid Riyo-raac.

Dhinaca kale, guddoomiyuhu waxa uu sheegay in 12 qodob oo ka mida xeerka doorashooyinku u waajibayay ay ku salaynayeen murashaxiinta goleyaasha Wakiiladda iyo doorashooyinka ee xisbiyadda, isla markaana ay iyagu leeyihiin gacanta ugu danbaysa.

 

RELATED ARTICLES

LEAVE A REPLY

Please enter your comment!
Please enter your name here

Arimaha Diinta

Ma doonaysaa inaan Saddaqo ku Darsato Masaajid?

Magaalada Kassel ee Dalka Germany oo ay Deganyihiin qiyaastii Somalida ugu badan Dalkani waxaa ka socda Khayr fara-badan oo mudan in lagala Qayb qaato. Gudida...

Afsoomaaliga buugaagta ku qoran ma badna, inta qoranna dhanka samaha uma badna…..” Sh. Mustafe Xaji Ismacil

Afsoomaaliga buugaagta ku qoran ma badna, inta qoranna dhanka samaha uma badna…..” Sh. Mustafe Xaji Ismacil

Sheekh Almis Yaxye Oo Ku Baaqay in la sameeyo Jeegaan Diimeed..Daawo

Sheekh Almis Yaxye Oo Ku Baaqay Jeegaan Diimeed..Daawo

Sidee Loo Helaa Macaanka Cibaadada” Sheekh Maxamed Cumar Dirir.

Sidee Loo Helaa Macaanka Cibaadada" Sheekh Maxamed Cumar Dirir.

Tafsiir Gaagaaban || Casharka 189 aad || Al-Maa’ida 48-50… Soo Jeedinta Sh. Maxamed Sh. Cumar Dirir

Tafsiir Gaagaaban || Casharka 189 aad || Al-Maa'ida 48-50... Soo Jeedinta Sh. Maxamed Sh. Cumar Dirir