Xogta murashaxiinta ka sharaxan xisbiga UCID ee u tartamaya goleyaasha deegaanka dalka ayaa maanta loo gudbiyay komishanka doorashooyinka.
Xubnaha murashaxiinta ah oo tiradoodu dhamayd 196 murashax ayaa ka kala sharaxan 18-ka degmo doorasho ee dalka.
Sida uu sheegay ku-simaha xoghayaha fuud ee xisbiga UCID C/naasir Yuusuf Cismaan Qodax, oo maanta warbaahinta la hadlay kadib markii ay nurashaxiinta degmooyinka dalka u gudbiyeen komishanka doorashooyinka.
C/naasir Qodax, waxa uu sheegay in komishanka doorashooyinku ay ka aqbaleen xogta 196-ka murashaxa ee ay u gudbiyeen.
Shirka jaraa’id ee uu xoghaye Qodax, arrintaasi kaga hadlay oo uu ku qabtay xarunta guud ee xisbiga UCID ee magaaladda Hargaysa, waxaa ku wehelinayay xoghayaha warfaafinta UCID Yuusuf Kayse C/laahi, iyo masuuliyiin kale oo xisbigaasi ka tirsan.
DAAWO: Shirka Jaraa’id ee Xoghaye Qodax:
