Guddiga kala xulista murashaxiinta u tartamaya goleyaasha Wakiiladda iyo Deegaanka ee xisbiga Waddani ayaa shaaciyay in ay soo gebagabeeyeen hawshii kala xulista murashaxiinta.
Kadib markii ay guddigaasi kala haadinta xubnaha tartamaya ku hawlanaayeen muddo saddex bilood ah, isla markaanay ay ka shaqaynayeen waajafinta shuruudaha murashaxiinta ee xeer-daamiyaha iyo heer-hoosaadka xisbiga.
Guddigaasi oo ka kooban 13-xubnood ayaa mudaddii saddexda bilood ahayd waxay baadhis ku samaynayeen aqoonta, waayo-aragnimadda iyo buuxinta shuruudaha looga baahan yahay murashaxiinta.
C/qaadir Xaaji Ismaaciil Jirde, oo guddoomiye u ah guddigaasi oo maanta warbaahinta kula hadlay xarunta xisbiga Waddani ee magaaladda Hargaysa, ayaa sheegay in ay maanta si rasmi ah u gunaanadeen hawshii kala xulista musharrixiinta oo ay wadeen muddo ku siman 3 billod.
Waxaanu xusay in ay u mareen kala xulista hannaanka xeerka doorashada, xeer nidaamiyaha kala xulista iyo xeer hoosaadka Xisbiga WADDANI.
Shirka jaraa’id ee xildhibaan C/qaadir Jirde, waxaa ku wehelinayay masuuliyiin ka tirsan xisbiga mucaaradka ah ee Waddani.
