fbpx
Thursday, March 28, 2024
HomeWararkaMaxbuuskii 20 Sano Ku Xidhnaa Xabsiga Hargeysa oo Lacag Lagu Wareejiyay

Maxbuuskii 20 Sano Ku Xidhnaa Xabsiga Hargeysa oo Lacag Lagu Wareejiyay

Maxamed Muuse Gamteesa
Maxamed Muuse Gamteesa
    

Maxamed Muuse Gamteesa oo ahaa nin ka soo jeeda Qowmiyada Oromada oo xabsiga Hargaysa laga sii daayay kadib muddo 20 sano ah oo uu xabsiga ku jiray, ayaa maanta la gudoonsiiyay Lacag dhan $15 oo doollar.

Waxaana muwaadinkan lacagtaasi guddoonsiiyay Samafale Cabdimaalik Sheekh Muuse Coldoon.

Cabdimaalik ayaa sheegay in  lacagtan lagu soo hagaajiyay kaalme kuwan, oo ah barnaamij warbaahineed Samafal ah.

Sidoo kale, Samafale Coldoon ayaa hoosta ka xariiqay in ay mar hore ku wareejin lahaayeen  Maxamed Muuse lacagtan, balse ay ka soo dhex gashay arrin qoys.

Dhanka kale, Samafale Cabdimaalik Sheekh Muuse Coldoon ayaa uga mahad celiyay bulshada lacagtani soo ururisay meelkasta oo ay joogaan.

Coldoon isaga oo arrimahaasi ka hadlaya waxaa uu yidhi.  “Maanta waxaa aanu halkan ku guddoonsiinayna maxbuuskii 20-ka sanno xidhnaa ee soo baxay laba toddobaad ka hor, waxaanu halkan ku guddoonsiinayna lacag gaadhaysa 15-kun oo dollar, isla markaana ay soo direen walaalo samafalayaal ah, oo dalka gudihiisa iyo dibadiisaba jooga, ILLAAHEY kheyr haku abaal mariyo.

Waxaa ay lacagtaasi u soo direen walaalkeen si ay garab u siiyaan, maadama uu muddo dheer xidhnaa una baahan yahay in uu nolol cusub bilaabo, dadkaasi oo kuwana aanu garanayno kuwana aanan garanayn, isla markaana go’aansaday in walaalkood garab siiyaan.

Lacagta waxaa lagu soo haggaajiyay annaga oo ah  kaalme kuwan, oo ah barnaamij warbaahineed Samafala, kana shaqeeya is tuska dadka danyarta ah iyo inta ladan ee wax bixinaysa.

Muddo hore ayaanu ku wareejin lahayn balse waxa jira arrin kaas oo ah in xaaskiisi isaga oo jeelka ku jira inta ay umushay ay umul aroortay, ilmihii yaraa ayaa hawshiisa sidii loo heli lahaa aanu ku gudda jirnaa, boqolkiiba konton waanu xaqiijinay, oo caddaymo ayaanu isu gaynay, ilmahaa yar gabadh ayuu ahaa sida uu noo sheegay imika magaalada Hargeysa ayay ku sugan tahay, inta inanta yar arrinkeedu caddaanaya maxkamaddo iyo DNA ayuu mari doonaa “

Maxamed Muuse Gamteesa, ayaa Kaalme Kuwan iyo bulshada dalka gudihiisa iyo dibadiisaba uga mahad celiyay sida ay uga farxiyeen una soo caawiyeen. “Walaalkay ii hawl galay ee ii shaqeeyay waan soo dhawaynayaa ILLAAHEY kheyr ha siiyo janatul Fardowsana waan ugu ducaynayaa, walaalkayga shan iyo tobanka kun ee dollar i siiyay, shan kun iska daaye maan filayn lacagta intan le’eg”

RELATED ARTICLES

LEAVE A REPLY

Please enter your comment!
Please enter your name here

Arimaha Diinta

Afsoomaaliga buugaagta ku qoran ma badna, inta qoranna dhanka samaha uma badna…..” Sh. Mustafe Xaji Ismacil

Afsoomaaliga buugaagta ku qoran ma badna, inta qoranna dhanka samaha uma badna…..” Sh. Mustafe Xaji Ismacil

Sheekh Almis Yaxye Oo Ku Baaqay in la sameeyo Jeegaan Diimeed..Daawo

Sheekh Almis Yaxye Oo Ku Baaqay Jeegaan Diimeed..Daawo

Sidee Loo Helaa Macaanka Cibaadada” Sheekh Maxamed Cumar Dirir.

Sidee Loo Helaa Macaanka Cibaadada" Sheekh Maxamed Cumar Dirir.

Tafsiir Gaagaaban || Casharka 189 aad || Al-Maa’ida 48-50… Soo Jeedinta Sh. Maxamed Sh. Cumar Dirir

Tafsiir Gaagaaban || Casharka 189 aad || Al-Maa'ida 48-50... Soo Jeedinta Sh. Maxamed Sh. Cumar Dirir

Sh. Mustafe X.Ismaaciil Haaruun Cudurada Qalbiga Ku dhaca (Al Qalbu Saliim)

Sh. Mustafe X.Ismaaciil Haaruun Cudurada Qalbiga Ku dhaca (Al Qalbu Saliim)