Wefti balaadhan oo ka socda Qaramada Midoobay ayaa maanta soo gaadhay magaalada Hargeysa ee caasimada Somaliland, Sida ay Warbaahinta Hargeisapress u xaqiijiyeen masuuliyiin ka tirsan xukuumaddu.
Weftiga ayaa waxaa hoggaaminayay Ergayga Qaramada Midoobay u qaabilsan Soomaaliya James Swan, kaasi oo fadhigiisu yahay Magaalada Muqdisho.
Ujeedka socdaalka weftiga Qaramada Midoobay, ayaa la sheegay inay dalka u yimaadeen xal u helidda khilaafkii soo kala dhex galay Somaliland iyo Qaramada Midoobay.
Somaliland ayaa dhamaadkii sannadkii hore joojisay Hawlihii Qaramada Midoobay ka haysay dalka, ka dib markii ay soo baxday in qorshaheeda Waxqabad ee afarta sanadood ee soo socda uu waafaqsan yahay ka Dawladda Soomaaliya.
Madaxweynaha Somaliland Muuse Biixi Cabdi iyo Weftiga Qaramada Midoobay ayaa la filayaa inay ka wada-hadlaan sidii loo soo afjari lahaa xurgufta soo kala dhex gashay.
